عايز تسرع الجهاز بتاعك ومايهنجش كتير .. سهلة 👇
كلنا بنواجهه مشكلة بطئ الجهاز عموماً .. وأكثر الأوقات بيبقى اول ما نشغل الكمبيوتر
ده بيبقى نابع عن البرامج اللي بتشتغل في الخلفية للجهاز واللي حضرتك طبعا ماتعرفهاش واكتر البرامج انت مابتستخدمهاش
فلما بتشغل الجهاز هي لوحدها بتشتغل بدون التدخل منك .. طب إيه حلها .. سهله .. ركز معايا
هتنزل على ال task bar اللي هو شريط المهام اللي هو الشريط اللي تحت خالص كما موضح بالصورة
هتدوس على كليك يمين هتظهر القائمة التالية هتضغط على اختيار task manager كما موضح
بعد كده هتظهر قائمة أخرى كالأتي
تختار من القائمة startup رابع اختيار من الاختيارات الموجودة في الشريط
ثم سيظهر لك قائمة ال startup وبها جميع البرامج اللي شغاله في الخلفية دون تدخل منك كما موضح بالصورة التالية
كما هو موضح ومتعلم هتلاقي في برامج مكتوب جنبها disable ودي برامج مش شغاله واللي جنبها كلمة enable دي البرامج اللي شغاله على الخلفية واللي بتقل جهازك
كل اللي هتعمله أن أي برنامج انت شايف انك مابتستخدمهوش ومالهوش أهمية أنه يشتغل لوحده هتدوس عليه كليك يمين وتختار disable وبكده مش هيشتغل لوحده
الطريقة دي هتخلي الرام والبروسيسور يشتغلوا بشكل أفضل وأسرع ومش هيبقى في ضغط عليهم
اتمنى اكون قدرت افيدكوا .. واي حد ليه اي استفسار او سؤال او طالب اي برنامج يكتب كومنت وانا هرد عليه في اقرب وقت ممكن ❤️
No comments:
اضافة تعليق