ناس كتيرة بعتتلي بتسأل على طريقه عشان يعرفوا إيه المشاكل اللي في جهاز الكمبيوتر الخاص بيه..
جبتلكوا أسهل طريقة وفعالة بنسبة مليون في الميه
اول حاجه هتشغل جهازك
تدوس على قائمة ستارت .. ومن قائمة start هتلاقي بوكس سيرش
هتكتب في السيرش ده كلمة CMD
هتظهر قائمة Command Prompt
هتضغط كلك يمين على command prompt وتدوس على run as administrator
هتظهرلك رسالة تضغط على نعم او yes
هتظهر معاك شاشة سوداء زي اللي تحت دي 👇
هتكتب الجمله دي بالظبط
sfc /scannow
في خلال ثواني هتظهر رسالة بتقولك
Beginning system scan. This process will take some time.
وده معناها انه الجهاز بدأ في سكان للجهاز وهياخد وقت وهتلاقي تحتيها رسالة تانيه وفيها نسبة أكتمال العملية
بعد ما يخلص هيقولك أيه المشاكل اللي عندك واللي ممكن تحلها
ولو ظهرت الرسالة دي
Windows Resource Protection did not find any integrity violations.
يعني مفيش أي مشاكل في جهازك
بعد ما تخلص هتعمل ريستارت للجهاز وهتشتغل وهتظبط معاك الدنيا
لو أي حد محتاج أي استفسار او عنده سؤال يسيبه في كومنت وانا هرد عليه في أقرب وقت
No comments:
اضافة تعليق